Mat á vinnuskilyrðum er fengið með sjö spurningum um ánægju með ýmsa hluti í vinnurýminu, t.d. loftgæði, lýsingu, hljóðvist, o.fl. Ríflega þrír af hverjum fimm gefa vinnuskilyrðum „góða“ einkunn (mjög eða frekar góða, einkunn á bilinu 3,5- 5,0) en tæplega einn af hverjum tíu gefa vinnuskilyrðum „slæma“ einkunn (á bilinu 1 til 2,4).
Mat á vinnuskilyrðum er aðeins breytilegt eftir geira og er meiri ánægja með vinnuskilyrði hjá fyrirtækjum borgarinnar en minnst hjá sveitarfélögum. Karlar eru ánægðari með vinnuskilyrði en konur, elsti svarendahópurinn er ánægðastur allra aldurshópa og stjórnendur ánægðastir allra starfsstétta.
Almennt er lítill munur á mati Sameykisfélaga á vinnuaðstöðu og svo þeirra sem eru utan Sameykis, eins og sjá má á mynd 14. Sameykisfélagar eru þó lítið eitt ánægðari með matar- og kaffiaðstöðu en þeir sem ekki tilheyra Sameyki en ánægja með vinnu og skrifstofurými er meiri meðal þeirra sem ekki tilheyra Sameyki en meðal félagsmanna Sameykis.