Merki Sameykis á smærri skjá

Grettisgötu 89
105 Reykjavik
Ísland

525-840
sameyki@sameyki.is
6202690-3449

Reglur um kosningu til fulltrúaráðs

Reglur um kosningar til fulltrúaráðs SAMEYKIS.

1.gr.

Fulltrúaráðið er skipað stjórn félagsins, formönnum sjóða félagsins og 90 fulltrúum sem kosnir eru af trúnaðarmannaráði á fyrsta trúnaðarmannaráðsfundi að hausti eftir kosningu á oddatöluári. Við kosningu fulltrúa í fulltrúaráð skal tryggt að lágmarki séu tveir fulltrúar frá eftirtöldum landshlutum: Vesturlandi, Vestfjörðum, Norðurlandi Vestra, Norðurlandi Eystra, Austurlandi, Suðurlandi og Reykjanesi. Einnig skal vera tryggt að eftirtaldar kjarasamningseiningar eigi að lágmarki tiltekinn fjölda fulltrúa í ráðinu,
(1) kjarasamningur – ríkisins/sjálfseignarstofnanir, (10 fulltrúa),
(2) kjarasamningur – sveitarfélaganna/sjálfseignarstofnanir (10 fulltrúa),
(3) kjarasamningur – SA og annarra sem félagið gerir kjarasamning við (5 fulltrúa).

Formaður félagsins er jafnframt formaður fulltrúaráðs. Trúnaðarmannaráð skal setja nánari reglur um framkvæmd kosninga í fulltrúaráði. (26.gr.laga)

2.gr.

Sjálfkjörnir í fulltrúaráð eru stjórn Sameykis og formenn stjórna sjóða félagsins allt að 26 fulltrúar.

3.gr.

Kosning í fulltrúaráð fer fram að hausti annað hvert ár á oddatöluári.
Nýtt trúnaðarmannaráð sem kosið er að vori sama ár kýs fulltrúaráð á fyrsta fundi ráðsins að hausti. Kosning skal vera í samræmi við lög Sameykis 10.kafla 26.gr.

Þegar kosningu trúnaðarmannaráðs er lokið fyrir nýtt kjörtímabil skal stjórn Sameykis skipa uppstillingarnefnd fyrir kjör fulltrúaráðs.

Hlutverk uppstillingarnefndar er að stilla upp lista frambjóðenda til fulltrúaráðsins og í þeirri vinnu skal tryggt að allir trúnaðarmenn hafi möguleika á að bjóða sig fram. Skal það m.a tryggt með því að auglýsa framboðsfrest í sérstöku vefbréfi til trúnaðarmanna þar sem kemur fram hvenær framboðsfrestur rennur út.

4.gr.

Á fyrsta fundi trúnaðarmanna að hausti leggur stjórn fram tillögu að lista til samþykktar. Trúnaðarmannaráð skal kjósa 90 fulltrúa. Á trúnaðarmannaráðsfundinum geta aðrir boðið sig fram en þeir sem eru á lista uppstillinganefndar. Ef fleiri framboð koma fram skal fara fram skrifleg kosning. Kjörstjórn Sameykis telur atkvæðin eftir fund trúnaðarmannaráðs og tilkynnir það eins fljótt og auðið er. Við kosninguna og í tillögu uppstillinganefnda skal eftirfarandi samsetning vera fyrir hend samkvæmt 26 gr. laga Sameykis:

Við kosningu fulltrúa í fulltrúaráð skal tryggt að lágmarki séu tveir fulltrúar frá eftirtöldum landshlutum:
Vesturlandi, 2
Vestfjörðum, 2
Norðurlandi Vestra, 2
Norðurlandi Eystra, 2
Austurlandi, 2
Suðurlandi 2
Reykjanesi, 2
Samtals 14

Einnig skal vera tryggt að eftirtaldar kjarasamningseiningar eigi að lágmarki tiltekinn fjölda fulltrúa í ráðinu,
(1) kjarasamningur – ríkisins/sjálfseignarstofnanir, (10 fulltrúa),
(2) kjarasamningur – sveitarfélaganna/sjálfseignarstofnanir (10 fulltrúa),
(3) kjarasamningur – SA og annarra sem félagið gerir kjarasamning við (5 fulltrúa).

Samtals 25

5.gr.

Háskóladeild hefur heimild til að tilnefna tvo fulltrúa úr deildinni í ráðið. Lífeyrisdeildin hefur heimild til að tilnefna 5 fulltrúa í fulltrúaráðið og skulu þeir vera úr hópi fulltrúa deildarinnar í trúnaðarmannaráði.

Aðrar deildir hafa heimild til að tilnefna tvo áheyrnarfulltrúa í fulltrúaráðið.


Í Fulltrúaráði eiga eftirfarandi sæti:
• Stjórn og formenn sjóða allt að 26 aðilar.
• Trúnaðarmannaráð kýs 90 fulltrúa.
• Háskóladeild og Lífeyrisdeild tilnefna 7 fulltrúa samanlagt.

• Aðrar deildir hafa heimild til að tilnefna 2 áheyrnarfulltrúa fyrir hverja deild

Samtals í Fulltrúaráði allt að 125



Samþykkt á fundi stjórnar Sameykis þann 25.06.2019
Samþykkt á fundi trúnaðarmannaráðs Sameykis þann 27.6. 2019


Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)