16. janúar 2013
Blað stéttarfélaganna komið út
Blað stéttarfélaganna er að koma út og ætti að berast félagsmönnum næstu dag. Meðal efnis í blaðinu að þessu sinni er umfjöllun um launamun kynjanna þar sem m.a. er ítarleg greining eftir ákveðnum starfsheitum. Ákveðið var að bera saman laun karla og kvenna í sama eða samskonar starfi. Þetta var gert til þess að kanna hvort nákvæm greining af þessu tagi myndi hafa áhrif á þá mynd sem við höfum af launamuni kynjanna almennt.
Einnig er dagskrá fyrir Gott að vita námskeiðin birt en skráning á þau hefst 22. jan. kl. 9. Dagskráin er fjölbreytt að venju en í boði er m.a. upplifunarganga, heklnámskeið, fundarstjórnun, raddbeiting, gítargrip, skriðsund, ljósmyndun, jóga og ýmsir fróðlegir fyrirlestrar.
Þá er í fyrsta sinn í blaðinu lögfræðihorn sem verður fastur liður í blaðinu og að þessu sinni er fjallað þar um foreldraorlof.
Ekki má gleyma páskaúthlutun sem er auglýst í blaðinu, en umsóknarfrestur er til og með 4. febrúar 2013, úthlutað verður 6. febrúar, sótt um hér.