Karlar eru launahærri í starfsgreinum sem kenndar hafa verið við hefðbundin kvennastörf

Í Fréttablaðinu í dag kemur fram á bls. 12 í fréttskýringu að kynbundinn launamunur er 12% hjá SFR. Þrátt fyrir að dregið hafi úr kynbundnum launamun í kreppunni er hann enn 12% hjá félögum SFR. Minni munur á almenna markaðnum.

Karlar eru með 21% hærri laun en konur. Mestur er launamunur hjá SFR á meðal sérhæfðs starfsfólks og tækna, eða 24% körlum í hag.

Í fréttaskýringunni segir meðal annars: „Athygli vekur að karlar eru launahærri í starfsgreinum sem kenndar hafa verið við hefðbundin kvennastörf. 39% kvenna í SFR vinna í heilbrigðis- og félagsþjónustu en 25% karla. Heildarlaun karla í heilbriðisþjónustu eru 24% hærri en kvenna, en karlarnir vinna þremur tímum lengur á viku en konur. Grunnlaun karla eru einnig hærri. Í félagsþjónustunni hafa konur 13% lægri heildarlaun og grunnlaun karla eru hærri.“ 

Hér má nálgast fréttaskýringuna í heild, en einnig má lesa um þetta í Blaði stéttarfélaganna sem er nýkomið út.