Leiðréttingar til kvennahópa

Kjaramál hjúkrunarfræðinga hafa verið áberandi í umræðunni síðast liðna daga. Nú hefur þeim verið boðin ákveðin kjarahækkun sem hefur vakið viðbrögð hjá ýmsum stéttum. Árni Stefán Jónsson, formaður SFR segist líta svo á að hækkunin sé hluti af útspili ríkisvaldsins til að jafna kynbundinn launamun, eins og boðað var fyrir stuttu.

„Við höfum fyrir þó nokkru síðan lagt inn beiðni þess efnis að stofnanasamningur SFR við LSH verði endurskoðaður. Við horfum til að byrja með fyrst og fremst til boðaðra leiðréttinga til handa kvennahópum innan heilbrigðisstéttanna. Hjá LSH vinna rúmlega áttahundruð félagsmanna SFR og 72% þeirra eru konur. Við minnum jafnframt á að það eru víðar kvennahópar á lágum launum hjá hinu opinbera, eins og niðurstöður launakannana SFR hafa m.a. bent á."