Grettisgötu 89
105 Reykjavik
Ísland

525-8330
sameyki@sameyki.is
6202690-3449

19. mars 2013

BSRB gagnrýnt á aðalfundi SFR

Aðalfundur SFR gagnrýndi vinnubrögð innan BSRB og í ályktun frá fundinum er kallað á meiri ábyrgðartilfinningu þeirra sem sitja í stjórn BSRB: Þá er meðal annars bent á að jafnt atkvæðavægi félaganna í stjórn BSRB sé óréttlátt, enda séu félögin mjög misstór og seinagangur í vinnubrögðum við breytingar á félagsgjaldi félaganna til bandalagsins er gagnrýndur.

Aðalfundur SFR gagnrýndi vinnubrögð innan BSRB og í ályktun frá fundinum er kallað á meiri ábyrgðartilfinningu þeirra sem sitja í stjórn BSRB. Þá er meðal annars bent á að jafnt atkvæðavægi félaganna í stjórn bandalagsins sé óréttlátt, enda séu félögin mjög misstór. Auk þess er seinagangur í vinnubrögðum við breytingar á félagsgjaldi félaganna til bandalagsins gagnrýndur.

Ályktun aðalfundar SFR um BSRB
Á 43. þingi BSRB lagði stjórn samtakanna til lagabreytingar um að eða stækka félagseiningarnar innan BSRB. Markmiðið var að styrkja innra starf BSRB og tryggja þannig að öll félög gætu veitt fullnægjandi þjónustu til félagsmanna sinna. Við afgreiðslu tillagnanna skiptu nokkrir stjórnarmenn um skoðun og náði samhljóma samþykkt stjórnar BSRB um endurskipulagningu á samtökunum því ekki fram að ganga. SFR gagnrýnir þessi vinnubrögð harðlega og kallar á meiri ábyrgðartilfinningu þeirra sem sitja í stjórn BSRB.

Aðalfundur SFR bendir á að jafnt atkvæðavægi félaga í stjórn BSRB er óréttlátt, enda séu félögin mjög misstór. Nauðsynlegt er því er að mati aðalfundar SFR, að staða SFR innan BSRB sé rædd, hlutverk BSRB og tilgangur þess.  

Á undanförnum árum hefur verið mikil áhersla verið lögð á breytingar á félagsgjaldi félaganna til bandalagsins til þess að ná fram meiri jöfnuði milli félaga. Sú vinna hefur þó enn engum árangri skilað og lítur SFR þá staðreynd mjög alvarlegum augum. SFR lítur á það sem skyldu sína gagnvart félagsmönnum sínum að vel sé farið með það fjármagn sem félaginu er treyst fyrir og áréttar að félagið telur að ekki sé hægt að búa við þetta ábyrgðarleysi lengur

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)