Grettisgötu 89
105 Reykjavik
Ísland

525-8330
sameyki@sameyki.is
6202690-3449

19. mars 2013

Skuldbindingar ríkissjóðs við lífeyrissjóð opinberra starfsmanna

Ríkissjóður hefur enn ekki hafið niðurgreiðslu á skuldbindingum sínum við lífeyrissjóð opinberra starfsmanna þrátt fyrir ítrekaðar kröfur SFR þar um. Aðalfundur SFR sem haldinn var í síðustu viku ítrekar kröfur félagsins og krefst þess að ríkissjóður hefji nú þegar að greiða inn á skuldbindingar sínar við lífeyrissjóð opinberra starfsmanna. Þá er þess krafist að heildarendurskoðun á lífeyriskerfi landsmanna lýkur er nauðsynlegt að fyrir liggi hvernig hið opinbera hyggst standa við skuldbindingar sínar gagnvart opinberum starfsmönnum.

Ályktun aðalfundar SFR um lífeyrismál
Aðalfundur SFR – stéttarfélags í almannþjónustu krefst þess að ríkissjóður hefji nú þegar að greiða inn á skuldbindingar sínar við lífeyrissjóð opinberra starfsmanna.  Gera skal áætlun um hvernig standa skuli að greiðslum til frambúðar. Fundurinn minnir á að núverandi  iðgjaldagreiðslur í A- deild LSR duga ekki fyrir þeim réttindum sem deildin er skuldbundin til að greiða. Aðalfundur krefst þess að ríkisstjórnin hækki nú þegar framlag til A-deildar LSR eins og lög gera ráð fyrir og geri nú þegar greiðsluáætlunum um hvernig hún  ætlar að standa við langtímaskuldbindingar sínar gagnvart B – deild LSR.

Áður en heildarendurskoðun á lífeyriskerfi landsmanna lýkur er nauðsynlegt að fyrir liggi hvernig hið opinbera hyggst standa við skuldbindingar sínar gagnvart opinberum starfsmönnum.

Aðalfundur SFR fagnar þeim drögum að nýskipan í tengslum við tekjutengingu bóta og lífeyrisgreiðslna sem fram koma í lögum um almannatryggingar. Fundurinn bendir þó á að þetta er einungis fyrsta skref í átt að viðunandi stöðu hvað samspil lífeyris- og almannatrygginga varðar.

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)