Stofnanasamningar krufðir

Í morgun hittust fulltrúar SFR úr hópi trúnaðarmanna og samninganefnda, starfsfólk fjármálaráðuneytis og ásamt nokkrum forstöðumönnum og starfsmanna- og mannauðsstjórum ríkisstofnastofnana til að ræða stofnanasamningsgerð.

Markmið fundarins var að fara yfir stöðu stofnanasamninga hjá ríkinu út frá sjónarhorni notenda. Rætt var m.a. um núverandi launakerfi og mögulegar breytingar eða þróun þess. Velt var upp spurningum á borð við það hvort núverandi kerfi stofnanasamninga uppfylli þau markmið sem því voru sett í upphafi og hvernig það þjóni hagsmunum starfsmanna og stofnana.

Fundurinn hófst með erindum frá Árna Stefáni Jónssyni formanni SFR og Gunnari Björnssyni formanni samninganefndar ríkisins og að þeim loknum tók við hópavinna. Mikil ánægja var með fundinn og þær opnu og góðu umræður sem þar sköpuðust. Það er von SFR að þessi vinna verði til þess að efla samvinnu milli aðila og bæta það sem betur má fara.

Miklar og góðar umræður sköpuðust á fundinum.

Árni Stefán Jónsson, formaður SFR.

Gunnar Björnsson, formaður samninganefndar ríkisins.