Grettisgötu 89
105 Reykjavik
Ísland

525-8330
sameyki@sameyki.is
6202690-3449

24. júní 2013

Jónsmessuferð LSFR um Hvalfjörð og Borgarfjörð

Jónsmessuferð lífeyrisdeildar SFR 2013

Jónsmessuferðin var að þessu sinn um Hvalfjörð og Borgarfjörð. Haldið var af stað frá Grettisgötu kl. 8 og fyrsta stopp var hjá Hallgrímskirkja við Saurbæ í Hvalfirðinum. Því næst var haldið í Borgarnes þar sem hluti hópsins heimsótti Safnahúsið og skoðaði þar áhugaverða ljósmyndasýningu, Börn í 100 ár, ásamt fuglasýningu og listasýningu Tolla. Hinn hluti hópsins heimsótti Samgöngusafnið í Brákarey og skoðað þar fornbíla.

Sjá myndagallerí frá Jónsmessuferð LSFR 2013 hér.

Jónsmessuferð lífeyrisdeildar SFR 2013

Síðan var haldið í Skallagrímsgarð og þaðan keyrt í Fossatún þar sem ferðalangar snæddu nestið sitt. Þá var haldið til Deildartunguhvers, Reykholts, og því næst Hraunfossar og Barnafossar skoðaðir. Einnig var stoppað í Húsafelli og kíkt á safn Páls, þaðan keyrt um  Kalmanstungu/Fljótstungu og Geitafjársetrið á Háafelli heimsótt.

Jónsmessuferð lífeyrisdeildar SFR 2013

Endað var með kvöldverði í Munaðarnesi þar sem vel var tekið á móti hópnum og Steinunn Pálsdóttir spilaði á harmonikku og píanó og fékk gesti til að taka undir með söng. Einnig spiluðu á píanóið Sigurkarl Magnússon leiðsögumaður og Árni Ísleifsson tók lagið af sinni alkunnu snilld. Haldið var heim á leið í glaðasólskini og kom hópurinn til Reykjavíkur um kl. 21:30.

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)