Starfsmennt - námskeið

Út er komið nýtt fréttabréf Fræðslusetursins Starfsmenntar. Í vetur verður að venju boðið upp á fjölbreytt úrval starfstengdra námskeiða sem henta þér bæði persónulega og í starfi. Hér má sjá fyrstu námskeið haustsins sem opin eru öllum og okkar félagsmönnum að kostnaðarlausu.

Ef þú vilt efla stjórnunarleikni þína s.s. á sviðum verkefnautanumhalds, þjónustugæða, jafningjavinnu eða skrifstofustjórnunar þá geta námsleiðirnar hér fyrir neðan hentað. Þá eru alltaf í boði klassísk tungumálanámskeið og fjarkennd tölvunámskeið.

 

Verkefnastjórnun (24 stundir)

Hér er aðferðafræði þessa vinsæla verklags kynnt á hnitmiðaðan hátt og grunnur lagður fyrir frekari sérhæfingu.

Námið hefst 15. okt. og er kennt í Reykjavík og fjarkennt á Ísafirði, Selfossi og  Akureyri. Skráning og upplýsingar hér.

 

Nám fyrir starfsfólk í stjórnunareiningum (60 stundir)

Markmið þessa náms er að þátttakendur læri hagnýtar aðferðir til að takast á við breiðara starfssvið og flóknari verkefni. Lögð er áhersla á að styrkja stjórnunar- og skipulagshæfni, sjálfstæð vinnubrögð, sveigjanleika og samskipta- og leiðtogahæfni.

Kennsla hefst 21. okt. Hjá EHÍ og verður fjarkennt á Ísafjörð, Selfoss ogAkureyri. Smelltu hér til að fá nánari upplýsingar.

 

Starfsnám stuðningsfulltrúa – fagmennska á félagssviði

Störfum á félags- og heilbrigðissviði mun fjölga á næstu árum og því brýnt að efla fagmennsku og fjölbreytta menntun starfsmanna. Starfsmennt hefur um langt skeið boðið upp á starfsnám stuðningsfulltrúa sem er annarsvegar 162 stunda grunnnám og hinsvegar 84 stunda framhaldsnám. Þetta nám er öflugur grunnur að gefandi starfi og býður upp á marga símenntunarmöguleika.

Grunnnámið hefst í Reykjavík 2. sept., fjarkennt á Egilsstöðum  ef næg þátttaka fæst og framhaldsnámið 23. sept.

 

Smelltu hér til að skrá þig fá nánari upplýsingar.

 

Starfstengd tungumálakunnátta

Núna í september hefjast námskeið í dönsku og ensku þar sem áhersla er lögð á talmál og orðaforða. Dönskunámskeiðin eru haldin í EHÍ og hefjast 16. sept. og14. okt. Enskunámskeiðin eru haldin í samstarfi við símenntunarmiðstöðvar áHornafirði, Ísafirði, Hvolsvelli, Selfossi, Akureyri og í Hafnafirði.

Þá setur Starfsmennt einnig upp starfstengd enskunámskeið með stofnunum þar sem sérhæfður fagorðaforði er æfður.

 

Fjarkennd tölvunámskeið

Allir þurfa að geta nýtt sér tölvutæknina í dag. Því er boðið upp á 80 stunda grunnnám og átta styttri framhaldsnámskeið sem efla þá tölvufærni sem öllum er nauðsynleg. Einnig getur þú sótt um ársaðgang að flestum forritum og lært upp á eigin spýtur. Hvað hentar þér?