Þjónustu- og viðhorfskönnun

Í sumar létu SFR og Starfsmannafélag Reykjavíkurborgar framkvæmda sameiginlega þjónustu- og viðhorfskönnun þar sem kannað var mat félagsmanna á þjónustu og viðhorfum þeirra til samstarfs við önnur félög. Framkvæmdin var í höndum Capacent og var úrtakið um tvöþúsund manns, en í úrtakinu voru bæði trúnaðarmenn og fulltrúar auk almennra félagsmanna.

Í ljós koma að félagsmenn SFR eru afar ánægðir með félagið sitt en tæp 80% sögðust ýmis mjög ánægðir eða frekar ánægðir með þjónustu skrifstofunnar. Heimasíðan fékk mjög góða einkunn en rúm 80% voru ánægð með hana.

Einnig var spurt um samstarf félaganna og í ljós kom að meirihluti félagsmanna (tæp 60%) er  hlynntur aukinni samvinnu við önnur félög innan BSRB. Flestir sjá aukin tækifæri til samvinnu í launa- og kjaramálum, orlofsmálum og fræðslu.

Þá var sérstaklega spurt um Blað stéttarfélaganna og viðhorf til sameiginlegrar útgáfu. Tæplega 70% voru ánægð með blaðið og rúmlega 80% vildu halda áfram sameiginlegri útgáfu.

Niðurstöður könnunarinnar munu sannarlega nýtast jafnt í einstökum verkefnum og í áframhaldandi samstarfi félaganna. Félagið þakkar þeim sem þátt tóku kærlega fyrir.