Grettisgötu 89
105 Reykjavik
Ísland

525-8330
sameyki@sameyki.is
6202690-3449

7. febrúar 2014

Leynist í þér ljósmyndari?

Ljosmyndasamkeppni

Blað stéttarfélaganna hefur ákveðið að blása enn á ný til ljósmyndasamkeppni meðal félagsmanna St.Rv. og SFR, enda var þátttakan í síðustu ljósmyndakeppni með miklum ágætum og þó nokkur áhugi reyndist vera
fyrir því að endurtaka leikinn.

Samkeppnina að þessu sinni nefnum við VETUR KONUNG og mun hún snúast um fallegustu eða mest hrífandi vetrarmyndina. Myndin þarf að sýna íslenskan vetur á þann hátt að hún heilli dómnefndina upp úr skónum.

Hægt er að senda inn mynd í eftirfarandi flokkum:
A) Ljósmyndir þar sem fólk að vetri til er viðfangsefnið.
b) Ljósmyndir þar sem náttúran leikur aðalhlutverkið.

Valdar verða þrjár bestu myndirnar í hvorum flokki og veitt verðlaun fyrir þær.
Í dómnefnd munu sitja fimm fulltrúar, tveir frá hvoru félagi auk fagaðila um ljósmyndir.
Dómnefnd mun ekki hafa aðgang að upplýsingum um höfund eða uppruna myndanna.

Félögin áskilja sér rétt til að nota allar myndir sem berast í útgáfu og kynningarefni.

SKILAFRESTUR LJÓSMYNDA ER 31. MARS 2014

VEGLEGIR VINNINGAR:
1. Helgardvöl í orlofshúsi félaganna að eigin vali (utan úthlutunartíma)
2. Veiðikortið og útilegukortið (2014)
3. Hótelmiðar á Fosshótel (2014)

Ljósmyndum má skila hvort sem er rafrænt eða á pappír. Ljósmyndir á rafrænu formi skal senda á solveig@sfr.is, en myndir á pappír skal senda í pósti til Blaðs stéttarfélaganna, Grettisgötu 89, 105 Reykjavík og merkja Blað stéttarfélaganna - ljósmyndasamkeppni.
Nánari upplýsingar veitir Sólveig Jónasdóttir, sími 525 8353 eða solveig@sfr.is.

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)