Stofnun ársins - svarfrestur framlengdur til 28. mars

SFR hvetur alla félagsmenn til að taka þátt í könnuninni Stofnun ársins en við höfum verið stolt af góðri þátttöku undanfarin ár sem hefur skapað grunn að áreiðanlegum niðurstöðum. Þeir sem svara könnuninni verða sjálfkrafa með í happdrætti þar sem 6 vinningar eru í boði, tvö gjafabréf hjá Icelandair að andvirði 60 þúsund krónur, tvisvar x tveir aðgöngumiðar að Iceland Airwaves hátíðinni 2013 og tvisvar x helgardvöl í orlofshúsi SFR að eigin vali utan úthlutunartíma. Best er að svara sem fyrst en frestur er til 28. mars. 

Af hverju stofnun ársins?
Með þátttöku í „Stofnun ársins“ leggur þú þitt af mörkum í baráttunni fyrir betra starfsumhverfi. Stofnun ársins könnunin segir stjórnendum hvað vel er gert og hvað má betur fara. Könnun sem þessi gefur góða mynd af starfsumhverfi stofnunarinnar og starfsánægju. Starfsmenn geta notað niðurstöðurnar til að meta eigin vinnustað í samanburði við aðrar stofnanir og fyrirtæki. Einnig er hér ekki síður tækifæri fyrir stjórnendur að gera sér grein fyrir stöðu starfsmannamála í stofnuninni og hvar þeir standa í samanburði við aðra.
Eitt af markmiðum könnunarinnar er að bæta starfsumhverfi félagsmanna og efla starfsþróun þeirra og til að könnunin gefi sem gleggsta mynd af stöðu mála er afar mikilvægt að sem flestir svari spurningalistanum.

Sjá niðurstöður í könnunum fyrri ára hér.

Könnunin var send rafrænt til félagsmanna með gild netföng og eiga allir að hafa fengið hana senda núna. Þeir sem óskuðu sérstaklega eftir því að fá könnunina í bréfapósti ættu að fá hana fljótlega inn um lúguna. Starfsmaður þarf að hafa verið í 50% starfi eða meira og verið í a.m.k. 4 mánuði í starfi. Ef þú hefur ekki fengið könnuna senda máttu gjarnan hafa samband við skrifstofuna  í síma 525-8340 (gudrun@sfr.is) eða beint til Capacent (tomas.bjarnason@capacent.is).

Best er að svara sem fyrst en frestur er til 28. mars.