15. maí 2014
Fjölmennur fundur starfsmanna í verkfalli
Félagsmenn SFR og Sjúkraliðar í verkfalli hittust á fjölmennum fundi nú laust eftir hádegi, en verkfall þeirra hefur staðið í allan dag. Verkfallsverðir hafa tilkynnt um nokkur verkfallsbrot en undanþágunefnd fundar nú og fer yfir vafamál. Verkfalli lýkur nú klukkan fjögur í dag en næstu aðgerðir verða ef ekki um semst á miðnætti mánudaginn 19. maí frá kl. 00-24 og síðan hefst allsherjarverkfall allra félagsmanna SFR hjá SFV fimmtudaginn 22. maí kl. 6 um morguninn.
Á síðustu fundum samninganefnda hefur mikið borið á milli, og eftir að fundi sáttasemjari sleit fundi í gær, hefur ekki verið boðið til nýs fundar. Þó er gert ráð fyrir að samninganefndirnar hittist um helgina. Meginkröfur SFR og Sjúkraliðafélagsins eru að þeir félagsmenn sem starfa á stofnunum innan SFV haldi sambærilegum réttindum og opinberir starfsmenn. Einnig er þess krafist að jafnlaunaátakið sem kvennastéttir innan heilbrigðisstofnana ríkisins fengu frá á síðasta ári skili sér inn í samninga SFV.