Verkfall hefst á miðnætti - ný facebook síða

Verkfall starfsmanna hjá fyrirtækjum í SFV hefst á miðnætti í kvöld og stendur í sólarhring. Samninganefndir aðila hafa fundað stíft þessa helgi án þess að ná samkomulagi. Samninganefnd SFR og SLFI í kjarabaráttunni við SFV, hefur opnað nýja fésbókarsíðu. Þar er ætlunin að koma á framfæri fréttum og upplýsingum um gang mála með fljótum og skjótvirkum hætti.

Þeir sem áhuga hafa á að fá fréttir af síðunni geta farið inn á hana (http://www.facebook.com/verkfall) og „lækað“ síðuna. Þá munu fréttir af henni birtast jafnóðum á fésbókarsíðum félagsmanna sem nota þennan samfélagsmiðil. Vonandi nýtist þetta þeim sem vilja fá fréttir fljótt og örugglega af gangi mála.