3. júní 2014
Hótelmiðar komnir í sölu á orlofsvefnum
Hægt er að kaupa hótelmiða á Fosshótel og Edduhótel hér á orlofsvefnum undir liðnum „ávísanir“. Hver félagsmaður getur keypt mest 7 miða. Miðarnir eru til sölu frá byrjun júní fram í ágúst. Félagsmenn eru hvattir til að panta gistingu með góðum fyrirvara og taka skal fram að greitt sé með gistimiða. Sjá nánari upplýsingar á www.fosshotel.is og á www.hoteledda.is.
Fosshótel
Sumarið 2014 gilda gistimiðar á Fosshótel fyrir 2 í gistingu í tveggja manna herbergi með baði í eina nótt. Að þessu sinni kaupa félagsmenn einn miða fyrir hverja gistinótt á 12.800 kr. Morgunverður er innifalinn. Aukarúm kostar kr. 5.500 (1 barn undir 12 ára aldri fær frítt í herbergi með foreldri/um).
Félagsmenn bóka sjálfir í síma viðkomandi hótels eða á aðalskrifstofu Fosshótela 562-4000. Bókanir má einnig senda á netfangið bokun@fosshotel.is . Ekki er hægt að bóka í gegnum bókunarvél á heimasíðu Fosshótelana.
Edduhótel
Verð fyrir félagsmenn sumarið 2014: Herb. með handlaug 7.300 kr. - Herb. með baði 15.400 kr. - Herb. Edda plús 18.400 kr. Miðar á þessu verði eru aðeins bókanlegir í gegnum síma 444 4000 eða tölvupóst hjá bókunardeild Hótel Eddu. Þeir eru ekki bókanlegir á netinu. Greiðslumiðana má nota á öllum Edduhótelunum sem eru 12 hringinn í kring um landið. Sjá heimasiðu www.hoteledda.is
Á Edduhótelunum er boðið upp á fjölbreyttar veitingar. Börn 5 ára og yngri fá frían mat ef þau panta það sama og foreldrar. Börn 6-12 ára greiða ½ gjald fyrir mat ef þau panta það sama og foreldrar. Gestir sjá sjálfir um að bóka gistingu.
Sjá nánar hér.