Fjölbreytt námskeiðsflóra haustsins hjá Starfsmennt

Í nýju veffréttabréfi Fræðslusetursins Starfsmenntar er námskeiðsflóra haustsins kynnt en hún er að venju fjölbreytt og flestir ættu að finna þar eitthvað fróðlegt sem nýtist í starfi. Boðið er upp á löng og stutt námskeið um allt land og búnir til heilu stofnanaskólarnir í samstarfi við stjórnendur og starfsfólk. Þjónustan miðar að því að gera vinnustaðinn betri með markvissri starfstengdri símenntun og ráðgjöf um eflingu mannauðs. Hér má sjá nýjustu auglýsingu Starfsmenntar um hvaða starfshæfni er lögð áherslu á, með hvaða starfsgreinum er unnið og hvernig stofnanaskólar eru hannaðir.

Að venju er öll þjónusta Starfsmenntar félagsmönnum SFR að kostnaðarlausu, oft í samstarfi við ýmsa fræðslu- og mannauðssjóði. Allar upplýsingar má finna á www.smennt.is þar sem skráningar fara fram og svo svara starfsmenn fúslega öllum fyrirspurnum í síma 550-0060.