17. september 2014
Fjölmennum í Loftslagsgönguna 21. sep.
Þann 21. september mun almenningur fylkja liði um allan heim til að krefjast þess að gripið verði til raunverulegra aðgerða til að hefta útblástur gróðurhúsalofttegunda. Ban Ki-moon, aðalritari Sameinuðu þjóðanna, hefur boðið leiðtogum þjóðríkja heims til fundar í New York þann 23. sept. til þess að liðka fyrir að samkomulagi um aðgerðir gegn loftslagsbreytingum verði náð á næstu loftslagsráðstefnu SÞ í París í lok árs 2015.
Til þess að undirstrika kröfur okkar um að stjórnvöld axli ábyrgð, taki ógnina sem felst í loftslagsbreytingum alvarlega og grípi til aðgerða, munum við taka þátt í þessum alheimsviðburði með kröfugöngu og útifundi í Reykjavík.
Safnast verður saman við hið svokallaða „Drekasvæði“ klukkan 14.00, sem staðsett er á horni Njálsgötu, Frakkastígs og Kárastígs og labbað sem leið liggur niður á Austurvöll. Allir eru hvattir til að koma með heimatilbúin skilti eða borða með eigin kröfum, hljóðfæri eða annað sem gerir þetta að áberandi atburði sem ekki er hægt að hundsa!
Meðal þeirra sem standa að göngunni er sannkölluð breiðfylking: Vefritið Grugg,Náttúruverndarsamtök Íslands, Landvernd umhverfisverndarsamtök, Breytendur - Changemaker Iceland, Ungir umhverfissinnar og fleiri einstaklingar og samtök.
Um kvöldið munu svo Breytendur standa fyrir loftslagstónleikum með frábæru listafólki í Hellinum úti á Granda. Húsið opnar 18.30 og tónleikarnir byrja 19.00.
https://www.facebook.com/events/1488650648061146/?notif_t=plan_user_invited
Hægt er að lesa nánar um göngur og atburði á
www.peoplesclimate.org/march
og á
https://secure.avaaz.org/en/join_to_change_everything_rb/?pv=369&rc=fb