9. desember 2014
Jólin, jólin koma brátt... og vorönnin hjá Starfsmennt líka
Í nýútkomnu fréttabréfi Starfsmenntar kemur fram að núá næstu vikum er kjörið að huga að námi á nýju ári og skoða hvað verður í boði hjá Fræðslusetrinu Starfsmennt á vorönninni. Skráningarsíður fyrir öll námskeið hafa verið settar upp og ekkert því til fyrirstöðu að skoða úrvalið og skrá sig. Setrið er einnig í samstarfi við nokkra skóla um hagnýtar námsleiðir sem efla fagmennsku og möguleika á spennandi starfsþróun. Þeir sem vilja nýta sér það þurfa að hafa hraðar hendur þar sem umsóknarfrestur rennur yfirleitt út nokkru fyrir jól.
Við minnum á að Starfsmennt greiðir innritunar- og einingagjöld fyrir félagsmenn SFR.
Nánari upplýsingar í veffréttabréfi Starfsmenntar.