Gott að vita námskeiðin - matjurtir, bókmenntir, bogfimi, GPS...

- Laust pláss á nokkrum námskeiðum á Akureyri, í Borgarnesi, á Blönduósi, Hvammstanga, Sauðárkróki og í Reykjavík

Góð skráning var á Gott að vita námskeiðin þegar opnað var fyrir hana 5. febrúar sl. Enn eru nokkur pláss laus á námskeið og einnig hafa bæst við námskeið á Norðurlandi vestra. Á Akureyri er laust á Matjurtanámskeið, Bogfimi, Stafgöngunámskeið og Tengsl hugsana, tilfinninga og hegðunar. Í Borgarnesi er laust á Sjálfstraust í fasi/framkomu og á Ræktun-Ávaxtatré og ber.  En í Reykjavík er laust á Íslenskar bókmenntir síðustu ára og GPS námskeið.

Á Norðurlandi vestra eru nýkomin inn námskeiðin Matjurtagarðurinn þinn, Siðfræði og samskipti og Spjaldtölva fyrir byrjendur sem verða kennd á Hvammstanga, Blönduósi og Sauðárkróki, skráning og nánari upplýsingar hér.

Ef þú ert að skrá þig inn í fyrsta sinn í námskeiðsskráningarkefi SFR þá velur þú fyrst námskeiðið og síðan flipann Nýskráning og skráir inn umbeðnar upplýsingar, hugar vel að því að netfang sé rétt stafsett og býrð til þitt eigið lykilorð. Þá færðu tölvupóst með tengli sem þú verður að smella á til að skráning verði virk. Ef þú hefur áður skráð þig inn og gleymt lykilorðinu þá geturðu óskað eftir því að fá það sent til þín í tölvupósti, sjá texta neðst á skráningarsíðunni undir flipanum Þegar skráður notandi