Aðalfundur SFR

Aðalfundur félagsins var haldinn miðvikudaginn 25. mars síðast liðinn og var afar góð mæting á fundinn. Formaður félagsins Árni Stefán Jónsson rakti viðburði og áherslur síðast liðins ár og framkvæmdastjórinn Þórarinn Eyfjörð fór yfir reikninga og fjárhagsáætun. Að venju var tilkynnt um val á trúnaðarmanni ársins en að þessu sinni hlaut Ólafur Hallgrímsson heiðurinn. Ólafur hefur um árabil setið í stjórn félagsins og verið formaður stjórnar orlofssjóðs og ein helsta driffjöður félagsins í orlofsmálum og er hann vel að heiðrinum kominn. Ný jafnréttisáætlun félagsins var kynnt og einnig sendi fundurinn góðar kveðjur til starfsmanna Samgöngustofu en fyrr um daginn hafði verið tilkynnt um fjöldauppsagnir þar. Þá ályktaði fundurinn um eftirtalin málefni:

Ályktun aðalfundar SFR stéttarfélags í almannaþjónustu um almannaþjónustuna
Ályktun aðalfundar SFR stéttarfélags í almannaþjónustu um kjaramál
Ályktun aðalfundar SFR stéttarfélags í almannaþjónustu um TISA
Ályktun aðalfundar SFR stéttarfélags í almannaþjónustu um jafnréttismál
Ályktun aðalfundar SFR stéttarfélags í almannaþjónustu um húsnæðismál