Vilt þú hafa áhrif?

Á tveggja ára fresti kjósa félagsmenn SFR sér trúnaðarmann. Nú er kosning trúnaðarmanna hafin og stendur hún til 31. maí n.k. Allir vinnustaðir þar sem eru fleiri félagsmenn en 5 eiga rétt á að kjósa sér trúnaðarmann. Stórir vinnustaðir eins og Landspítali og ÁTVR þar sem margar deildir eru eða starfsstöðvar eiga einnig rétt á að kjósa sér trúnaðarmann fyrir hvern stað þar sem starfa fleiri en 5 félagsmenn.

Trúnaðarmenn SFR eru tengiliðir félagsins við vinnustaðinn, þeir eru lífæð félagsins, og þess vegna afar mikilvægir fyrir okkur sem störfum á skrifstofu SFR. Án trúnaðarmanna er erfiðara fyrir okkur að fylgjast með líðan félagsmanna okkar og kjörum þeirra á vinnustað.

Í því umhverfi sem við erum í núna, þar sem samningar eru lausir og barátta um kjör okkar er framundan er afar mikilvægt að sem flestir félagsmenn okkar hafi sinn trúnaðarmann og hvetjum við ykkur því til að kjósa trúnaðarmann sem allra fyrst.

Öll kjörgögn og upplýsingar um framkvæmd kosningar má finna hér.
Auglýsingaplaköt um kosninguna eru á leiðinni á vinnustaði félagsmanna.

Vinsamlegast tilkynnið kosninguna á þar til gerðu formi og ekki gleyma að ská fyrir hvaða hóp viðkomandi er kosinn. Ekki hika við að hafa samband við skrifstofu SFR ef einhverjar spurningar vakna.