9. september 2015
Samningafundi lauk án árangus
SFR stéttarfélag í almannaþjónustu, Sjúkraliðafélag Íslands og Landssamband lögreglumanna hafa verið í sameiginlegum viðræðum við Samninganefnd ríkisins um nokkurt skeið. Þegar hafa verið haldnir 6 fundir undir stjórn ríkissáttasemjara og lauk 7. fundi í dag án árangurs. Ekki hefur verið boðaður annar fundur í kjaradeilu félaganna við ríkið.
Samninganefnd ríkisins hefur ekki sýnt neinn vilja til að ræða þær sanngjörnu kröfur sem félögin hafa lagt fram sem byggja á þeim kjarasamningum sem ríkið hefur nú þegar gert við starfsmenn sína og niðurstöðum gerðardóms. Félögin munu nú þegar snúa sér til félagsmanna sinna til þess að ákvarða næstu skref. Staðan í kjaradeilunni er því grafalvarleg.