Grettisgötu 89
105 Reykjavik
Ísland

525-8330
sameyki@sameyki.is
6202690-3449

18. september 2015

Staðan í kjaramálum, kosning um verkfall/verkfallsaðgerðir og skipulag aðgerða

SFR stéttarfélag í almannaþjónustu, Sjúkraliðafélag Íslands,  og Landssamband lögreglumanna hafa sameiginlega átt í kjaraviðræðum við ríkið frá því í mars á þessu ári. Ekkert hefur þokast í samningsátt og enn ber gríðarlega mikið á milli samningsaðila. Að öllu óbreyttu stefnir í boðun verkfalls. Félagsmenn fá upplýsingar um framkvæmd rafrænnar atkvæðagreiðslu senda á lögheimili sitt. Rafræna kosningin hefst þriðjudaginn 22. september.

Fyrirhugað er að hefja aðgerðir með vinnustöðvunum  á öllum stofnunum ríkisins fimmtudaginn 15. og föstudaginn 16. október, og síðan mánudaginn 19. og þriðjudaginn 20. október. Þetta fyrirkomulag endurtekur sig svo næstu vikur. Skipulagið verður nákvæmlega útlistað á atkvæðaseðli um verkfall.
 
Jafnframt munu félagsmenn SFR á völdum stofnunum fara í samfellt verkfall í þann tíma sem aðgerðirnar standa.

Kosningin verður því tvískipt:

  • Allir kjósa um sameiginlegu verkfallsdagana
  • Sértækar kosningar fara fram um aðgerðir á hverri stofnun fyrir sig, þar sem það á við.

Ef ekki verður búið að semja fyrir 15. nóvember hefst allsherjarverkfall þann 16. nóvember.

Það er von SFR að samningar náist og að ekki þurfi að koma til verkfalls. Frekari upplýsingar um réttindi félagsmanna svo sem um verkfallsbætur í verkfalli er að finna hér undir „spurt og svarað um verkfall“.

Í þeim tilfellum þar sem bréf berst ekki félagsmönnum skulu þeir snúa sér til skrifstofu SFR, s. 525-8340.

Mjög mikilvægt er að allir félagsmenn taki þátt í atkvæðagreiðslunni um boðun verkfalls til að tryggja nægilega þátttöku en skv. lögum verða 50% félagsmanna að taka þátt í atkvæðagreiðslunni.

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)