13. október 2015
Stjórn SFR ályktar um aðgerðarleysi stjórnvalda
Stjórn SFR stéttarfélaga samþykkti eftirfarandi ályktun á fundi sínum í dag 13. október 2015:
Stjórn SFR lýsir verulegum áhyggjum yfir því ófremdarástandi sem nú ríkir vegna aðgerðarleysis stjórnvalda í kjaradeilu félagsmanna SFR stéttarfélags, Sjúkraliðafélags Íslands og Landsambands lögreglumanna við fjármálaráðherra fyrir hönd ríkisins.
Krafa stéttarfélaganna er skýr og réttlát!
Við krefjumst sambærilegra kjarabóta og aðrir ríkisstarfsmenn!
Verkfall þúsunda ríkisstarfsmanna skellur á næstkomandi fimmtudag. Við skorum á stjórnvöld að skera á hnútinn og semja við okkur um sambærilegar launahækkanir og ríkið hefur samið um í síðustu samningum og gerðardómur dæmdi öðrum starfsmönnum ríkisins!