Samningafundur stendur enn yfir - nýjar hugmyndir á borðinu

Fundur samninganefndar ríkisins með samninganefnd SFR, Sjúkraliðafélags Íslands og Landssambands lögreglumanna stendur enn yfir. Árni Stefán Jónsson, formaður SFR, sagði að samninganefnd ríkisins hefði komið með nýja hugmynd sem þyrfti að skoða.

Árni Stefán sagði ekki hver þessi nýja hugmynd í samningaviðræðunum væri. Hann sagði þó að hún væri þess eðlis að samninganefndirnar hefðu ákveðið að leggja hana fyrir bakland sitt og fá álit þess á henni. Hann sagði að unnið yrði áfram að málinu á þessum grundvelli en taldi að það myndi taka nokkurn tíma. Verkfall sem á að hefjast á miðnætti og sagði Árni, og aðrir samningamenn launafólks, að þeir reiknuðu frekar með því að af verkfallinu yrði.