15. desember 2015
NSO fundur haldinn í Færeyjum
Formaður og framkvæmdastjóri SFR taka nú þátt í fundi NSO (Nordiska statstjänstemannaorganisationen) sem haldinn er í Færeyjum. Á fundinum er farið yfir þau mál sem helst brenna á systurfélögum SFR á Norðurlöndunum. Fjallað er um efnahagsástand, kjarasamninga, aðgerðir stjórnvalda og þær stóru áskorandir sem eru að mæta stéttarfélögunum í náinni framtíð.
Á dagskrá fundarins nú er einnig skipulagning NSO ráðstefnunnar sem haldin verður í Færeyjum í ágúst á næsta ári. Þar munu félögin taka til skoðunar og umræðu þau brýnu málefni sem félögin telja nauðsynlegt að kortleggja fyrir framtíðina. Ljóst er af frásögnum af stöðunni innan einstakra norrænu landanna að það er af nægu að taka í málefnum sem þarf að kryfja og bregðast við.