Auðvelt að tengjast í orlofshúsum SFR

SFR hefur í samstarfi við Vodafone netvætt bæði íbúðir félagsins á Akureyri og í Reykjavík og einnig orlofshúsin í Munaðarnesi, Húsafelli, Skorradal, Kjarnabyggð og Hólasetri. Bráðlega verður einnig hægt að tengjast netinu á Arnarstapa og Vaðnesi í vor, þegar framkvæmdum þar lýkur.

Það eina sem gestir þurfa að gera til þess að tengjast netinu er að framkvæma nokkur einföld skref:

1. Tengjast routernum, leiðbeiningar til að tengjast er að finna í húsunum (hægt er að tengja allt að 32 tæki samtímis).

2. Velja gagnamagnspakka sem gestir telja að dugi þeim á meðan dvalartíma stendur (hægt að velja pakka sem endast í 3,7 eða 30 daga).

3. Greiða fyrir það gagnamagn sem valið er (greitt með debet- eða kreditkorti í gegnum greiðslugátt Valitor).