15. mars 2016
Orlofsblaðið á leiðinni
Orlofsblað SFR fer í póst til félagsmanna í dag. Í blaðinu eru kynntir allir orlofsmöguleikar sem félagsmönnum standa til boða. Þar eru ítarlegar lýsingar og myndir af orlofshúsum, leiðbeiningar um úthlutun og bókanir og margt fleira gagnlegt og skemmtilegt. Orlofssjóður á 32 eignir sem leigðar eru út til félagsmanna og leigir auk þess um 10 hús til viðbótar víða um land til afnota fyrir félagsmenn auk íbúðar í Kaupmannahöfn.
Þá standa félagsmönnum til boða gjafabréf (afsláttur) í flug bæði innanlands og til útlanda, afsláttur á gistingu á hótelum, veiðikort, útlegukort og fleira. Í vor er einnig í fyrsta sinn boðið upp á að kaupa afsláttarbréf í ferðir með Úrval Útsýn Sumarferðum. Með blaðinu til lífeyrisþega er eyðublað sem fylla þarf út til að sækja um úthlutun í sumar. Allir aðrir félagsmenn sækja um á orlofsvefnum og er umsóknarfrestur fyrir sumarúthlutun 13. apríl næstkomandi. Opnað hefur verið fyrir umsóknir.