4. nóvember 2016
Stofnfundur háskóladeildar SFR
Stofnfundur að háskóladeild innan SFR verður haldinn 17. nóvember næstkomandi, kl. 16:30 að Grettigötu 89. Allir félagsmenn SFR sem lokið hafa BA/BS prófi eða sambærilegu námi og nemendur sem lokið hafa a.m.k. 60 einingum á háskólastigi eru velkomnir á stofnfundinn. Á fundinum verður m.a. kosið í stjórn deildarinnar. Vinsamlegast tilkynnið þátttöku á fundinn hér.
Á síðasta aðalfundi SFR, sem haldinn var í mars 2016, var samþykkt að stofnuð yrði deild fyrir háskólamenntaða félagsmenn innan SFR. Í kjölfar aðalfundarins ákvað stjórn félagsins að skipa undirbúningshóp vegna stofnunar háskóladeildar. Undirbúningshópurinn hélt vel heppnaðan vinnufund fyrir stofnun deildarinnar í byrjun október þar sem tilgangur og væntingar til deildarinnar voru m.a. ræddar.