Undirbúningur vegna kjarasamningsviðræðna við Isavía

Kjarasamningur SFR við Isavia rennur út 28. febrúar 2017. Því til undirbúnings voru tvær vinnustofur haldnar í Reykjanesbæ í vikunni þar sem SFR félagar hjá Isavia lögðu fram sínar hugmyndir um hverju skyldi leitast við að ná fram í kjarasamningsviðræðunum framundan. Hugmyndir félagsmanna voru fjölbreyttar og góðar umræður sköpuðust þeirra á meðal. Komið var inná ýmis atriði sem betur mættu fara, en áberandi var hversu margir töluðu um aukið álag í starfi vegna fjölgunar ferðamanna. Umræður félagsmanna á vinnustofunum verða öflugt og gagnlegt innlegg í undirbúningsvinnuna við myndun kröfugerðar SFR gagnvart Isavia vegna komandi kjarasamninga.