Saga baráttu og sigra í 70 ár

Út er komin Saga SFR – Saga baráttu og sigra í sjötíu ár 1939-2009. Sagan er skráð af Þorleifi Óskarssyni sagnfræðingi og er ríkulega skreytt myndum úr starfi félagsins auk þess sem hana prýða myndir víða að frá þeim tíma sem um er fjallað enda leitaði höfundur fanga víða í heimildum, bæði í eigu félagsins og einnig í opinberum gögnum. Þá leitaði höfundur einnig eftir viðhorfum nokkurra helstu áhrifavalda í sögu SFR og þeir fengnir til að skyggnast inn í hina sögulegu vídd með það fyrir augum að dýpka umfjöllun bókarinnar þar má nefna auk nokkurra lykilstarfsmanna sem þátt tóku í starfi félagsins.

Haldið var upp á útgáfuna í vikunni og var aðstandendum bókarinnar, trúnaðarmönnum, fulltrúm í nefndum, ráðum og stjórnum, starfsmönnum fyrr og nú auk annarra gesta boðið til hófsins. Þar flutti Ögmundur Jónasson meðal annars erindi, Árni Stefán Jónsson ávarpaði gesti og þakkaði höfundi meðal annars fyrir afar vandað og gott verk. Árni afhendi síðan Sigríði Kristinsdóttur fyrrverandi formanni SFR fyrsta eintak bókarinnar sem og Elínu Björgu Jónasdóttur formanni BSRB. 

Félagsmenn sem eru áhugasamir og vilja eignast eintak af þessari merku bók geta komið eða haft samband við skrifstofu félagsins og nálgast eintak.