12. maí 2017
SFR vísar kjaradeilu við Isavia til sáttasemjara.
Samninganefndir SFR stéttarfélags og Isavia hittust á samningafundi í dag, en eins og kunnugt er þá felldu félagsmenn SFR hjá Isavia nýgerðan kjarasamning. Á samningafundinum sem hófst kl. 13 var farið yfir þá stöðu sem uppi er og hugmyndir lagðar fram að lausn deilunnar. Ekkert þokaðist í samkomulagsátt á fundinum og var ákveðið að slíta viðræðunum og vísa deilunni til ríkissáttasemjara. Ríkissáttasemjari mun því stýra vinnunni við samningagerðina og boða til næsta samningafundar.