22. maí 2017
Hótelmiðar koma í sölu 1. júní
Nú styttist í að félagsmenn geti keypt hótelmiða en þeir koma á orlofsvefinn 1. júní nk. Sérstök athygli er vakin á því að Fosshótel Dalvík hefur verið selt og er því ekki lengur partur af Fosshótel keðjunni. Hótelið heitir núna Hótel Dalvík.
Einnig minnum við á að best er að bóka hótelherbergið fyrst og kaupa síðan hótelmiða.
Fosshótel - Gildir sumarið 2017
Gistimiði Fosshótela gildir fyrir gistingu í tveggja manna herbergi í eina nótt. Að þessu sinni kaupa félagsmenn einn miða fyrir hverja gistinótt á 19.800 kr. Morgunverður er innifalinn. Félagsmenn bóka sjálfir í síma viðkomandi hótels eða á aðalskrifstofu Fosshótela 562-4000. Bókanir má einnig senda á netfangið bokun@fosshotel.is og taka skal fram að greitt sé með gistimiða.
Félagsmenn eru hvattir til að panta gistingu með góðum fyrirvara. Fosshótel rekur bæði heilsárs- og sumarhótel um land allt. Sjá nánari upplýsingar á www.fosshotel.is
Verð fyrir tveggja manna herbergi 19.800 kr.
Hótel Edda - Gildir sumarið 2017
Verður til sölu í júní, júlí og fram í byrjun ágúst. Morgunverður er ekki innifalinn. Á Edduhótelunum er boðið upp á fjölbreyttar veitingar. Börn 5 ára og yngri fá frían mat ef þau panta það sama og foreldrar. Börn 6-12 ára greiða ½ gjald fyrir mat ef þau panta það sama og foreldrar.
Miðar eru aðeins bókanlegir í gegnum síma eða tölvupóst hjá bókunardeild Hótel Eddu. Þeir eru ekki bókanlegir á Netinu. Greiðslumiðana má nota á öllum Edduhótelunum sem eru 12 hringinn í kringum landið. Sjá nánar á www.hoteledda.is.
Verð fyrir tveggja manna herbergi sumarið 2017:
Herbergi með handlaug kr. 10.000 (fullt verð 17.200)
Herbergi með baði kr. 19.000 (fullt verð 26.200)
Edda plús kr. 22.500 (fullt verð 29.700).
Hótel Keilir - Reykjanesbæ
Gistimiði á Hótel Keili, Hafnargötu 37, Reykjanesbæ. Hótelið er í innan við 5 mínútna akstursfjarlægð frá Keflavíkurflugvelli. Það býður upp á skutlu- þjónustu til flugvallarins ásamt ókeypis WiFi og bílastæði.
Félagsmenn bóka sjálfir í síma á Hótel Keili 420 9800, www.hotelkeilir.is.
Verð fyrir herbergi sumarið 2017:
Tveggja manna herbergi 19.100 kr.
Þriggja manna herbergi 21.500 kr.
Fjögurra manna herbergi 23.900 kr.