27. október 2017
Nýtum rétt okkar og kjósum
SFR hvetur alla félagsmenn sína til þess að nýta lýðræðislegan rétt sinn og kjósa í alþingiskosningunum á morgun laugardaginn 28. október. Niðurstöður kosninganna skipta miklu fyrir okkur sem launafólk og ekki síst sem opinbera starfsmenn. BSRB opnaði í byrjun mánaðar kosningavef þar sem farið er yfir þau mál sem bandalagið telur að leggja verði höfuðáherslu á í komandi þingkosningum. Við hvetjum ykkur til þess að kynna ykkur vefinn en þar skorar bandalagið jafnframt á þá flokka sem berjast um hylli landsmanna að gera kjósendum grein fyrir afstöðu sinni til þeirra stefnumála sem fjallað er um á vefnum.
Kosningavefur BSRB