Konur gegn kúgun 8.mars í Tjarnarbíói

 

Alþjóðlegur baráttudagur kvenna fyrir friði og jafnrétti er 8.mars. SFR er í samstarfi við Menningar - og friðarsamtökin MFÍK, BSRB, Kvennathvarfið, Kennarasambandið og fleiri félagasamtök sem halda sameiginlegan baráttufund undir yfirskriftinni KONUR GEGN KÚGUN. Fundurinn verður haldinn í Tjarnarbíói 8. Mars kl. 17.00.

MFÍK eru aðildarfélag Alþjóðasambands lýðræðissinnaðra kvenna hafa minnst dagsins frá stofnun samtakanna árið 1951. Í gegnum árin hafa fjölmargir landskunnir einstaklingar komið fram á samkomum MFÍK á þessum degi. Í ár er engin breyting þar á og margar þjóðþekktar konur munu stíga á svið í Tjarnarbíói. Fundurinn er opinn öllum og búast má við skeleggri umfjöllun um hitamál dagsins - baráttuna gegn kúgun og ofbeldi gagnvart konum