Könnunin þín - ekki sleppa því að svara!

Nú stendur yfir könnun SFR um stofnun ársins og launakönnun, en hún hefur verið send út til allra félaga SFR rafrænt í tölvupósti og eru þeir hvattir til að svara henni eins ítarlega og þeir geta. Niðurstöðurnar gefa okkur góðar upplýsingar um stöðuna úti á stofnunum, um líðan starfsfólk og fleira. Þær stofnanir sem fá bestu einkunn frá sínu starfsfólki hljóta síðan titlana Stofnun ársins og Fyrirmyndarstofnun. Að auki fjallar könnunin um launakjör og til þess að svara þeim þætti þurfa starfsmenn að hafa launaseðilinn sinn við höndina. Þess má geta að Starsfsmannafélag Reykjavíkurborgar og VR láta gera sambærilega könnun á sama tíma og það gefur okkur gott tækifæri til samanburðar.

Ef þú finnur ekki könnunina er gott að kíkja í ruslpósthólf og önnur hólf sem fjölpóstur getur lent í eins og „other“ mappan sem er í sumum tölvupóstforritum. Þeir sem voru í félagatalinu 22. janúar og höfðu verið í félaginu í 3 mánuði og eru í 40% starfshlutfalli eða meira eiga að hafa fengið könnunina. Ef ekkert finnst skaltu senda tölvupóst á thorir@sfr.is með kennitölu og netfangi sem þú vilt fá könnunina senda á. 

Sjá niðurstöður í könnunum fyrri ára hér.