30. apríl 2018
1.maíblaðið er komið út
1.maí blað stéttarfélaganna er fullt af baráttuanda í takt við útgáfudaginn sem er eins og allir vita alþjóðlegur baráttudagur launafólks.
Á 1.maí er kjörið tækifæri fyrir launafólk að sýna samstöðu og mæta í kröfugöngur um allt land og krefjast réttlátari skipta á afrakstri vinnandi fólks.
Umfjöllun um síaukinn ójöfnuð bæði á Íslandi og í heiminum er rauður þráður í blaðinu en þar er meðal annars afar áhugavert viðtal við Stefán Ólafsson um rannsókn hans og Arnaldar Sölva Kristjánssonar á ójöfnuði á Íslandi frá stríðslokum til okkar daga.
Það eru væringar á vinnumarkaði víða um heim og í blaðinu er fjallað um verkfall kennara í Ameríku og alsherjarverkfall ríkisstarfsmanna í Danmörku. Síðast en ekki síst er viðtal við Elínu Björgu Jónsdóttur formann BSRB um hræringar í verkalýðshreyfingunni, viðtöl við nokkra félaga úr grasrótinni og ýmislegt fleira áhugavert.