30. maí 2018
Hugmyndafundur fulltrúa og trúnaðarmanna
Trúnaðarmenn og fulltrúar SFR og St.Rv. hittust á sameiginlegum fundi á Grand hótel í gær og ræddu áfram hugmyndir um sameiningu félaganna. Lárus Ýmir Óskarsson stýrði hópavinnu þar sem ýmsir þættir mögulegrar sameiningar eru skoðaðir og gerð var tilraun til þess að rýna dýpra ofan í einstaka þætti. Fundurinn var afar vel sóttur og þótti takast mjög vel enda trúnaðarmenn og fulltrúar félaganna vinnusamir með eindemum. Næst á dagskránni er að safna saman öllum góðu hugmyndunum frá þessum fundi og fyrri fundum trúnaðarmanna auk ábendinga frá almennum félagsmönnum sem setið hafa fjölmarga morgunverðarfundi félaganna. Reiknað er með því að í haust fari af stað ítarleg kynning áður en blásið verður til allsherjar atkvæðagreiðslu næsta vetur.