29. júní 2018
Tvö ný orlofshús á Akureyri
Opnað verður fyrir umsóknir í ný orlofshús í Hálöndunum á Akureyri mánudaginn 2. júli kl. 9:00. Hægt verður að leigja húsin frá 9. júlí á Mínum síðum á www.sfr.is og verður opnað fyrir bókanir í öll orlofshúsin út október.
Húsin í Hálöndunum eru á orlofshúsa- og útivistarsvæði sem staðsett er miðja vegu milli Akureyrarbæjar og skíðasvæðisins í Hlíðafjalli. Húsin eru 3ja herbergja á einni hæð, með þremur svefnherbergjum og geta allt að 8 manns gist þar í einu. Tvær snyrtingar eru í hverju húsi og heitur pottur.
Það er von okkar að nýju húsin muni falla félagsmönnum vel í geð, en fleiri stéttarfélög hafa einnig fest kaup á húsum á þessu svæði. Hús SFR eru tvö og eru bæði alveg eins, þau standa við Holtaland 1 og 3.