Námskeið á Vestfjörðum

SFR hefur  náð samkomulagi við Fræðslumiðstöð Vestfjarða sem er á þá leið að félagsmenn SFR geta sótt eftirfarandi námskeið hjá Fræðslumiðstöðinni, sér að kostnaðarlausu. Þetta er gert til þess að koma til móts við félagsmenn okkar á landsbyggðinni, en Gott að vita námskeiðin hafa lengi verið í boði á höfuðborgarsvæðinu. Verið er að vinna að því að bjóða upp á námskeið í samstarfi við fræðslumiðstöðvar víðar um landið.
Eina sem þarf að gera er að skrá sig á vefsíðu Fræðslumiðstöðvarinnar og tiltaka stéttarfélagið og SFR mun greiða námskeiðsgjaldið.

Áherslan er á heilsu og velllíðan í vinnunni. Námskeiðin sem í boði eru:

Samskipti á vinnustað
Haldið 14. september 2018.

Markmið námskeiðsins er að gera fólk meðvitað um hvaða áhrif það hefur sem einstaklingar á samskiptin á sínum vinnustað. Að vekja fólk til umhugsunar um hvernig það getur verið meðvitaðra um sjálft sig og aðra og á þann hátt bætt samskipti og líðan á vinnustaðnum.
Sjá nánar hér.

TRE - leið til að vinna á spennu streitu og áföllum
Haldið 24. september 2018.

Námskeið ætlað fagfólki jafn sem almenningi.
Sjá nánar hér.

Hómópatía
Haldið í september 2018.

Þetta námskeið gefur góðar upplýsingar um hómópatíu og hvernig fólk getur nýtt sér þessa mildu og áhrifaríku aðferð til að hlúa að heilsunni.
Sjá nánar hér.