Sonja Ýr nýr formaður BSRB

Rétt í þessu var tilkynnt um nýjan formann BSRB en tveir frambjóðendur gáfu kost á sér í embætti formanns BSRB. Þetta voru þau Sonja Ýr Þorbergsdóttir núverandi lögfræðingur bandalagsins og Vésteinn Valgarðsson trúnaðarmaður hjá SFR og aðaltrúnaðarmaður á Landspítalanum. Sonja Ýr var kjörin formaður með miklum meirihluta atkvæða. Garðar Hilmarsson var kjörinn fyrsti varaformaður og Arna Jakobína formaður Kjalar annar varaformaður BSRB.