26. október 2018
Opinn félagsfundur 1. nóvember
Undanfarnar vikur höfum við heimsótt fjölmarga vinnustaði víða um land og kynnt fyrir félagsfólki hugmyndir um sameiningu SFR og St.Rv. Þann 1. nóvember kl. 16:30 verður einnig haldinn opinn félagsfundur á Grettisgötu 89 um málið. Markmiðið er að ná til sem flestra og fá fólkið okkar til að kynna sér málin, ræða saman og spyrja spurninga og því hvetjum við félagsfólk til að fjölmenna.
Atkvæðagreiðslan verður rafræn og mun standa frá hádegi 6. nóvember til hádegis þann 9. nóvember og verður niðurstaðan kynnt samdægurs. Það er mikilvægt fyrir okkur öll að fjöldinn sé að baki niðurstöðunni, hver sem hún verður.