15. nóvember 2018
Trúnaðarmenn funda
Trúnaðarmannaráðsfundur SFR stendur nú yfir en þar er meðal annars rætt um niðurstöður atkvæðagreiðslunnar um sameiningu félaganna og næstu skref. Árni Stefán Jónsson sagði frá því að verið væri að vinna að því að búa til lagaramma utan um sameinað félag. Það væru mörg handtökin og þó við vildum helst sjá þetta gerast fyrir kjarasamningana í lok mars þá þyrfti ferlið að taka sinn tíma. Vonast er til þess að hægt verði að halda stofnfund nýs félags í janúar á næsta ári. Fljótlega verður farið af stað með samkeppni um nafn á félagið og mun samkeppnin verða auglýst sérstaklega og óskað eftir þátttöku félagsmanna. Þá var greint frá því að til stendur að halda sameiginlega kjararáðstefnu þann 28. nóvember næstkomandi og munu trúnaðarmenn verða boðaðir þangað.
Sonja Ýr Þorbergsdóttir formaður BSRB greindi frá áherslum bandalagsins í takt við nýja stefnu að loknu vel heppnuðu þingi.
Að lokum fjallaði Þórarinn Eyfjörð um stofnanasamninga og trúnaðarmenn mátu vinnuna sem framfór í samstarfsnefndunum í síðustu samningum. Þetta er afar mikilvægur þáttur vegna kjarasamningana framundan enda trúnaðarmenn og forysta félagsins öll að hefja undirbúning fyrir næstu samninga.