Kjarasamningar

Sameyki hefur undanfarnar vikur átt í viðræðum við viðsemjendur sína, en flestir samningar voru lausir 31. mars síðastliðinn. Samninganefndir okkar hafa fundað með fulltrúum ríkis, Reykjavíkurborgar, Sambandi íslenskra sveitarfélaga, Orkuveitunnar, Isavia o.fl. Viðræðurnar hafa þó gengið hægt á meðan beðið var eftir almenna markaðinum og útspili ríkisstjórnarinnar. Fréttir af undirskrift samninga í gærkvöldi og nýr lífskjarasamningur gætu haft þau áhrif að meiri þungi færðust í umræðurnar. Um leið og við lýsum yfir sterkum vilja til þess að setjast nú af alvöru við samningaborðið þá óskum við félögum okkar til hamingju með nýjan kjarasamning.