Desemberuppbót 2019

Þar sem kjarasamningar eru lausir hjá allflestum viðsemjendum Sameykis höfum við leitað eftir því að fá upplýsingar um upphæðir desemberuppbótar fyrir árið 2019.

Þar sem ekki hefur enn tekist að semja um nýja kjarasamninga hefur orðið samkomulag um að hækka desemberuppbót 2019 með sama hætti og áður.

Hjá ríki og þeim sem fylgja samningi ríkisins og Sameykis verður desemberuppbótin nú kr. 92.000,-.

Hrafnista; kr. 92.000
Söfnunarsjóður lífeyrisréttinda; kr. 92.000
Isavia; kr. 92.000,-
Ás styrktarfélag, Faxaflóahafnir, Strætó bs. og Reykjavíkurborg;  kr. 100.100,-
Orkuveitan; kr. 105.900,-
Félagsbústaðir; kr. 113.669,- miðað við gefnar forsendur (30% af lfl. 260, 2 þrep)
Skálatún; kr. 116.000,-
Slökkvilið höfuðborgarsvæðisins; kr. 146.483,- miðað við gefnar forsendur (44,5% af lfl.130, 5 þrep)

Hjá eftirtöldum aðilum; Innheimtustofnun sveitarfélaga og Sambandi íslenskra sveitarfélaga er persónuuppbót óbreytt, 113.000,- en verður leiðrétt síðar í samræmi við niðurstöðu kjarasamninga. 

Sameyki hefur ekki borist svör frá eftirfarandi viðsemjendum
Ætla má að desemberuppbót 2019 verði sama upphæð og greidd var 2018 en leiðrétt síðar þegar niðurstaða liggur fyrir í kjaraviðræðum:
Samtök fyrirtækja í velferðarþjónustu (SFV), Þjóðkirkjan, Biskupsstofa, Búnaðarsamband Eyjafjarðar, Dvalarheimilið Ás, Eir hjúkrunarheimili, Forréttindi ehf., Fræðslusetrið Starfsmennt, GRUND dvalar- og hjúkrunarheimili, Krabbameinsfélag Íslands, Lífeyrissjóður starfsmanna ríkisins, Matís ohf., Mörk Hjúkrunarheimili, Reykjalundur, SÁÁ, Skjólhjúkrunarheimili, Skógarbær, Staðlaráð Íslands, Vigdísarholt ehf. og Þroskahjálp landssamtök.

Um desemberuppbót: Desemberuppbót er föst krónutala og tekur ekki hækkunum samkvæmt öðrum ákvæðum kjarasamningsins og skal hún greidd út eigi síðar en 15. desember 2019.  Starfsmaður sem er í starfi fyrstu viku nóvembermánaðar fær greidda desemberuppbót miðað við fullt starf tímabilið frá 1. janúar til 31. október. Hafi starfsmaður gegnt hlutastarfi eða unnið hluta úr ári skal hann fá greitt miðað við starfshlutfall, sjá nánar í viðkomandi kjarasamningi. Tímavinnufólk á einnig rétt á desemberuppbót. Á desemberuppbót reiknast ekki orlofsfé. Tímavinnufólk þarf að hafa skilað 1504 dagvinnustundum á tímabilinu 1. janúar til 31. október til að fá 100% desemberuppbót.

 

Fréttin var uppfærð  25 nóv. (Hrafnista, Isavia og Söfnunarsjóður lífeyrisréttinda hafa einnig sent inn ákvörðun sína um greiðslu desemberuppbótar. Sjá ofar)