Merki Sameykis á smærri skjá

Grettisgötu 89
105 Reykjavik
Ísland

525-840
sameyki@sameyki.is
6202690-3449

16. desember 2019

Jólafundur trúnaðarmanna ályktar

Afar fjölmennur jólafundur trúnaðarmanna Sameykis fjallaði á fundi sínum í dag um stöðuna í kjaramálum. Afar þungt hljóð var í fundarfólki enda hafa kjarasamningsviðræður skilað litlu þrátt fyrir að svo til allir kjarasamningar félagsins hafa nú verið lausir í níu mánuði og sumir hverjir næstum í heilt ár. Þolinmæði félagsmanna er fyrir löngu þrotin og sendi fundurinn því frá sér eftirfarandi ályktun:

Trúnaðarmannafundur Sameykis krefst þess að viðsemjendur láti af þeim forkastanlega hægagangi sem kjarasamningsviðræður hafa verið í undanfarna mánuði. Allir kjarasamningarnar félagsins hafa verið lausir nú í níu mánuði og sumir þeirra í næstum því ár og búið er að eyða óhemju tíma í viðræður sem hafa skilað litlu sem engu. Kröfur okkar hafa verið skýrar frá upphafi og það er algjörlega á ábyrgð viðsemjenda hvernig komið er. Samninganefndir Sameykis hafa sýnt mikið langlundargeð langt umfram þol félagsmanna, en nú er nóg komið. Ef viðsemjendur ætla með þessum vinnubrögðum að hrekja okkur út í aðgerðir þá er það alveg að takast. Það skal vera þeim alveg ljóst að við óttumst ekki aðgerðir. Við munum sannarlega beita öllum ráðum til að þrýsta á kröfur okkar ef við sjáum ekki fram á að ljúka þessu fljótlega.

Þá mætti Andri Snær sem gestur á fundinn og fjallaði um efni bókar sinnar T'iminn og vatnið og hrærði vel upp í fundarfólki með erindi sínu um loftslagsmálin. Afar áhugaverður og vekjandi fyrirlestur hjá Andra sem vakti þó nokkrar umræður. Í lok fundar söng Ágústa Eva svo nokkur hugljúf lög.

  • Fréttamyd
  • Fréttamyd
  • Fréttamyd
  • Fréttamyd
  • Fréttamyd
  • Fréttamyd
  • Fréttamyd
  • Fréttamyd
  • Fréttamyd
  • Fréttamyd

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)