1. maí 2020
Til hamingju með daginn kæru félagar
Við óskum félagsmönnum og landsmönnum öllum til hamingju með alþjóðlegan baráttudag launafólks 1. maí. Dagurinn er svo sannarlega með öðru sniði en vanalega um allan heim. Engar fjölmennar baráttugöngur um bæi og borgir vegna samkomubanns en slíkt hefur aldrei gerst síðan fyrsta baráttugangan var farin hér á landi árið 1923. Formaður Sameykis Árni Stefán Jónsson lætur það þó ekki stöðva sig heldur ávarpar félagsmenn hér með aðstoð tækninnar. Yfirskriftin í ár er "Baráttan fyrir betra þjóðfélagi" og er þar vísað í baráttusöng launafólks Internationallann. Við ásamt öðrum stéttarfélögum á landinu höfum reynt að aðlaga okkur ástandinu og munum við vera ofur virk á samfélagsmiðlum, blöðum og í sjónvarpi í staðinn, því við viljum fyrir allan mun senda okkar frábæra félagsfólki baráttukveðjur í tilefni dagsins.