Merki Sameykis á smærri skjá

Grettisgötu 89
105 Reykjavik
Ísland

525-840
sameyki@sameyki.is
6202690-3449

17. desember 2020

Uppstillinganefnd leitar eftir áhugasömu fólki í stjórnir

Á fundi Fulltrúaráðs Sameykis sem haldinn var 24. nóvember síðastliðinn var kosinn uppstillingarnefnd, en samkvæmt lögum Sameykis er það hlutverk uppstillingarnefndar að gera tillögu um formann og stjórn félagsins. Einnig skal hún gera tillögur um stjórn orlofssjóðs, stjórn starfsmenntunarsjóðs, stjórn styrktar- og sjúkrasjóðs, stjórn vinnudeilusjóðs, stjórn fræðslusjóðs, kjörstjórn, skoðunarmenn reikninga og endurskoðendur. 

Uppstillingarnefnd skal leggja tillögur sínar fyrir fulltrúaráð eigi síðar en 40 sólarhringum fyrir aðalfund. Fulltrúaráð skal afgreiða tillögur uppstillingarnefndar og verða þær tillögur ráðsins. Fulltrúaráð fundar 8. febrúar næstkomandi en aðalfundur Sameykis verður 25. mars 2021.

Formaður uppstillinganefndar er Egill Heiðar Gíslason sem starfar hjá Húsnæðis- og mannvirkjastofnun. Aðrir í uppstillinganefnd eru Auður Kamma Einarsdóttir frá Hinu húsinu, Gísli Sigurðsson frá Fríhöfninni, Guðmundur Vignir Óskarsson frá Umhverfis og skipulagssviði Reykjavíkurborgar, Heiðrún Höskuldsdóttir frá Heilbrigðisstofnun Vesturlands, Kristjana Eyjólfsdóttir frá Orkuveitu Reykjavíkur og Sigrún Kristjánsdóttir frá ÁTVR. Varamenn í uppstillinganefnd eru Ásdís Þórhallsdóttir frá Þjóðleikhúsinu, Áslaug Finnsdóttir frá Borgarskóla og Ólafur Hallgrímsson frá Listaháskóla Íslands.

Uppstillingarnefnd tekur á móti framboðum til formanns og í stjórnir til og með 18. janúar 2021. Hafir þú áhuga á að bjóða þig fram í eitthvað af ofangreindu getur þú sent framboð inn hér.

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)