Merki Sameykis á smærri skjá

Grettisgötu 89
105 Reykjavik
Ísland

525-840
sameyki@sameyki.is
6202690-3449

4. febrúar 2021

Alltaf á vaktinni

„Það á að vera fjögurra daga frí á milli vakta en maður er yfirleitt einn og hálfan sólarhring að jafna sig, fer eftir álagi á vöktunum.“ Mynd/Axel Jón

Í fyrsta tölublaði Sameykis sem fer í póst á morgun til félagsmanna er viðtal við Guðmundu Ólaf Ingólfsson öryggisvörð á LSH í Fossvogi. Hann segir að stytting vinnuvikunnar sé ekki hafin hjá sér og hefjist ekki fyrr en 1. maí. Þá segir hann að fyrirkomulagið leggst misjafnlega vel í hann.  „Það á að fara að kynna þetta fyrir okkur en það er ekki komið niður vaktaplan eða hvernig þau verða nema það er rætt um að maður geti valið sér vaktir. Maður á bara eftir að sjá hvernig þetta kemur út,“ segir hann.

„Við göngum 12 tíma, tvískiptar vaktir, fjórar dagvaktir og fjórar næturvaktir í senn með fjögurra daga hléum á milli. Þetta er mikil vinna á dagvöktum en rólegra á nóttinni nema eitthvað komi upp á eins og rafmagnsbilanir, tækjabilanir og annað í þeim dúr. Við gætum líka þurft að veita deildum aðstoð við erfiðar aðstæður á nóttinni án þess að ég sé að fara nánar út í það. Við vöktum og bregðumst við. Alltaf tilbúnir,“ segir Guðmundur Ólafur.

--------------------------------------------

Í kynningarefni um styttingu vinnuvikunnar hjá vaktavinnufólki á betrivinnutimi.is kemur fram að þyngstu vaktinar eru verðmætari en léttari vaktir. Samningur Sameykis er lífgæðasamningur sem fellst m.a. í styttingu vinnuvikunnar niður í allt að 32 stundum, auknu öryggi, minna álagi, betri líðan og heilsu. Markmiðið er einnig að starfsfólki í vaktavinnu geti liðið betur. Einnig að allt starfsfólk á að njóta þessara breytinga en engin að tapa vegna þess að tekin er upp vaktahvati. Jafnframt eru breytingar á launamyndunarþáttum. Til að mynda verður vaktaálag á næturvöktum hækkað og þá er vaktaálag hækkað á einstaka stórhátíðardögum. Vaktahvati er einnig nýr og greiðist sem hlutfall mánaðarlauna fyrir fjölbreytileika og fjölda vakta á launatímabili.

Fjórum vikum áður en vaktavinnufólk mætir á vakt þarf vaktaskýrsla að vera tilbúin.

--------------------------------------------

Á Meðal efnis í næsta tölublaði Sameykis:

Datt í lukkupottinn – Guðrún Magnea Guðmundsdóttir var heldur betur heppin þegar hún var dregin út í leiknum sem Sameyki efndi til vegna styttingu vinnuvikunnar á Netinu

Baráttan fyrir betri kjörum – Í leiðara blaðsins fjalla formenn Sameykis m.a. um það sem framundan er hjá Sameyki; stytting vinnuvikunnar hjá vaktavinnufólki.

Lausnin á atvinnuleysinu – Í grein Ólafs Margeirssonar, doktors í hagfræði fjallar hann um atvinnuleysi á Íslandi, atvinnuframboðstryggingu og borgaralaun.

Skemmtilegt fólk – Viðtal við Nökkva Elíasson, verkstjóra í flutninga- og rúmaþjónustudeild LSH í Fossvogi.

Hengir af sér á greinar trjánna – Viðtal við Elínu Helgu Sankó, heilbrigðisgagnafræðing sem starfar á Landspítalanum Háskólasjúkrahúsi með starfsstöð á gjörgæsludeild.

„Halló, halló! Þú ert á mjút Guðmundur!“  Fjarfundir hafa þróast hratt og fólk tekið fjarfundatækni ört í sína þjónustu. Í viðtali útskýra Svava Björk Ólafsdóttir og Hafdís Huld Björnsdóttir hjá Rata málið fyrir lesendum.

Fræðslustyrkir og nýjar úthlutunarreglur – Nú geta allir félagsmenn Sameykis sótt um starfsmenntunarstyrki og starfsþróunarstyrki að því gefnu að þeir uppfylli lágmarksskilyrði. Grein eftir Jóhönnu Þórdórsdóttur, fræðslustjóra Sameykis.

Gott að vita – Námskeið á vorönn eru á sínum stað í blaðinu.

Rétt fyrir sólarupprás – Baldur Vignir Karlsson, formaður Háskóladeildar Sameykis ritar pisti.

Heldurðu jafnvægi á stafræna hæfnihjólinu? – Guðfinna Harðardóttir, framkvæmdastjóri Starfsmenntar fjallar í áhugaverðri grein um sjálfspróf, viðmiðunarpróf um stafræna hæfni.

Kæru félagar – Ingibjörg Óskarsdóttir, formaður lífeyrisdeildar Sameykis fer yfir síðasta ár og það sem fram undan er hjá lífeyrisdeildinni.

Vinningshafi krossgátunnar – Gunnlaug Birta Þorgrímsdóttir sem starfar á fréttastofu RÚV vann helgi í orlofshúsi Sameykis.

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)